გაერთიანებული ოპოზიციის საპრეზიდენტო კანდიდატი გრიგოლ ვაშაძე ზუგდიდში ამომრჩევლებს შეხვდა და მათი პრობლემები მოისმინა. ვაშაძე სხვადასხვა ადგილზას იმყოფებოდა, ერთ-ერთი ყველაზე მთავარი პრობლემა, რომელიც სოფელ ახალაბასთუმანში დასახელდა, მოსახლეობის მიწების მითვისება და კარიერის ამოღებაა. ადგილობრივებმა გრიგოლ ვაშაძეს ის ტერიტორიები ანახეს, სადაც კარიერს იღებენ მოსახლეობის სამეურნეო მიწების ხარჯზე.მათი თქმით, პრობლემის შესახებ არაერთხელ იმართეს ადგილობრივ ხელისუფლებას, თუმცა უშედეგოდ.საპრეზიდენტო კანდიდატის გრიგოლ ვაშაძის თქმით, უმძიმესი ეკონომიკური მდგომარეობაა ყველგან, თუმცა განსაკუთრებით სავალალოა ვითარება გურიასა და სამეგრელოში, სადაც მილიონობით ლარია დახარჯული ფაროსანას წამლობაზე, შედეგი კი ნოლია, ასევე ისაუბრა საძოვრებისა და სავარგულების მიტაცების ფაქტებზე.
გრიგოლ ვაშაძე ზუგდიდში პარტიის ლიდერებთან ერთად იმყოფებოდა. მისი თქმით, მოსახლეობა აქ საქართველოს გაერთიანებაზე, ნატოსა და ევროპაში ინტეგრაციაზე საუბრობს. მათ არ აქვთ განცდა, რომ დღეს სახელმწიფო არსებობს. ხელისუფლებამ ზურგი შეაქცია ქვეყანას და მოქალაქეებს.