სამეგრელო-ზემო სვანეთის გუბერნატორი ალექსანდრე მოწერელია ადგილობრივი მედიასაშუალების წარმომადგენლებს შეხვდა. დახურული ფორმატის შეხვედრაზე მოწერელიამ ჟურნალისტებთან სხვადასხვა საკითხებზე ისაუბრა და ასევე დასმულ შეკითხვებსაც უპასუხა. მისი თქმით, ადგილობრივი თვითმმართველობების მუშაობაში მისი კომპეტენციის ფარგლებში ჩაერევა და მცირედი გადაცდომის შემთხვევაშიც კი ყველას მოუწევს კანონის წინაშე პასუხის გება. „კონკრეტული პრობლემაა, რომელიც მუნიციპალიტეტის მოსაგვარებელია და არაფერი კეთდება, არ ჩავერიოთ? თვითმმართველობები ხალხის არჩეულია და ზუსტად რომ ხალხის პრობლემებზე უნდა იყოს ორიენტირებული და პასუხიც უნდა მოვთხოვოთ.ყველა, ვისაც ექნება გადაცდომა,დანაშაული, ყველა პირი აგებს უმკაცრესად პასუხს კანონის წინაშე“- განაცხადა სამეგრელო- ზემო სვანეთის გუბერნატორმა ალექსანდრე მოწერელიამ ჟურნალისტებთან შეხვედრაზე.