ე.წ. დამოუკიდებლობის 10 წლისთავი ოკუპირებული ცხინვალისა და ოკუპირებული აფხაზეთის დე-ფაქტო პრეზიდენტებმა ერთმანეთს მიულოცეს.
დეფაქტო მთავრობას სირიის პრეზიდენტმაც მიულოცა. ბაშარ ალ ასადის მიმართვა რეჟიმის წარმომადგენლებს რუსეთში სირიის ელჩმა გააცნო.
მისალოც წერილში ნათქვამია, რომ სამხრეთ ოსეთმა თავი წარმოაჩინა დამოუკიდებელ სახელმწიფოდ საკუთარ მტრებთან ბრძოლით და მაგალითი გახდა მათთვის, ვისაც თავისუფლება, დამოუკიდებლობა და სუვერენიტეტი სურს.
ცხინვალში იმყოფებოდნენ უკრაინელი სეპარატისტებიც.
ანატოლი ბიბილოვმა დონეცკის თვითგამოცხადებული რესპუბლიკის ლიდერი და რუსეთის პრეზიდენტის სპეცწარმომადგენელი ორდენებით დააჯილდოვა.