„მე განვაცხადე ასეთი რამ, ყველა ის საჯარო მოხელე, რომელიც კეთილსინდისიერად ასრულებს თავის მოვალეობას, იქნება ჩვენს გვერდით. ჩემი მოსვლისას ბატონმა კოდუამ დაწერა განცხადება და დავაკმაყოფილე, ასევე პრესსამსახურებმა, დანარჩენი, ვინც აქ მუშაობენ, დაკვირვების პროცესში არიან. დებულების თანახმად, მე მაქვს 60-დღიანი ვადა დაკომპლექტების და ამის მერე მოხდება დაკომპლექტება გუბერნიის ადმინისტრაციის. ახლა გავდივარ მათთან გასაუბრებებს, ვეცნობი, ვსწავლობ სტრუქტურას.“- განაცხადა ალექსანდრე მოწერელიამ. თაიმერის კითხვაზე, თუ რა პრინციპით შეირჩა მისი მოადგილე, ყოფილი პოლიციელი ირაკლი ჯიქია და რამდენად არის ეს კადრი საინტერესო და აუცილებელი პოლიტიკისთვის, მოწერელიამ განაცხადა, რომ მოარულ ჭორებს ის არ ეყრდნობა, „ჯიქიას აქვს საკმაოდ კარგი გამოცდილება, მიღებული აქვს ჯილდოები, არის ანალიტიკოსი და არა უბრალოდ ოპერმუშაკი, რაც მნიშვნელოვანია დღეს, რადგან სწორედ ასეთი კადრებით უნდა შევძლოთ გამკლავება იმ ხარვეზების, რაც თვითმმართველობებში არსებობს“- განაცხადა მოწერელიამ. სამეგრელო-ზემო სვანეთის გუბერნატორი რეგიონის მედიასაშუალებების წარმომადგენლებს შეხვდა