გერმანიის კანცლერმა ანგელა მერკელმა საქართველო დატოვა. საპატიო სტუმარი თვითმფრინავის ტრაპთან საქართველოს პრემიერ-მინისტრმა მამუკა ბახტაძემ მიაცილა.
მერკელი კავკასიური ტურნეს ფარგლებში საქართველოში გუშინ ჩამოვიდა, ვიზიტიის ფარგლებში იგი საქართველოს ხელისუფლების პირველ პირებს შეხვდა. დღეს კი უკვე კანცლერმა ოპოზიციის წარმომადგენლებსა და თსუ-ს სტუდენტებთან გამართა შეხვედრა, შეხვედრის შემდეგ იმყოფებოდა საოკუპაციო ხაზთანაც.
ანგელა მერკელი საქართველოდან სომხეთში მიემგზავრება, ამის შემდეგ კი მისი ვიზიტი აზერბაიჯანშია დაგეგმილი, რითაც კავკასიურ ტურნეს დაასრულებს.