"გერმანიის კანცლერთან იმ საკითხების მკაფიო კომუნიკაცია რასაც სამთავრობო სტრუქტურები ხშირად ვერ ახერხებენ თსუ სტუდენტებთან ერთმა შეხვედრამ მოაგვარა… ამ შეხვედრაზე ისიც გამოჩნდა რომ გერმანიის კანცლერი იმაზე მეტად ინფორმირებულია საქართველოს პრობლემებზე, ვიდრე ბევრი ჩვენი ჩინოვნიკი..""კონსტანტინე შუბითიძე! სტუდენტი, რომლემაც დღეს მთელი საქართველოს სათქმელი თქვა, აი, როგორი მნიშვნელოვანია სწორად დასმული კითხვა" – ასეთი გამოხმაურება მოყვა ხალხში გუშინ უნივერსიტეტის სტუდენტის წარმატებულ მცდელობას მიეღწია რუსეთის ოკუპანტად აღიარებისათვის მერკელის პირით.
,, ტერმინ "ოკუპაციასთან" რამე პრობლემა არის, თუ რატომ არ იყენებთ? რატომ არ აფასებთ ცხინვალსა და აფხაზეთში განვითარებულ მოვლენებს როგორც ოკუპაციას? – ასე მიმართა თსუ-ში გამართულ შეხვედრაზე ახალგაზრდა კონსტანტინე შუბითიძემ გერმანიის კანცლერს, ანგელა მერკელს თბილისის ივანე ჯავახიშვილის სახელობის სახელმწიფო უნივერსიტეტის სტუდენტებთან შეხვედრისას.
"კითხვებზე პასუხის გაცემის დროს ორი დღეა უკვე იყენებთ შეფასებას – "უსამართლო მდგომარეობას", არ იყენებთ სიტყვა "ოკუპაციას". ტერმინ "ოკუპაციასთან" რამე პრობლემა არის თუ რატომ არ იყენებთ? რატომ არ აფასებთ ცხინვალსა და აფხაზეთში განვითარებულ მოვლენებს როგორც "ოკუპაციას"?, – იკითხა კონსტანტინე შუბითიძემ.
ამ შეკითხვაზე გერმანიის კანცლერმა უპასუხა: "თქვენ მეკითხებით, მე ვაფასებ თუ არაოკუპაციად? დიახ, ეს არის ოკუპაცია, ეს არის დაკავებული ტერიტორია – 20%. ეს რჩება უხეშ უსამართლობად", – განაცხადა მერკელმა.
ახალგაზრდებმა, მოძრაობა „რუსეთი ოკუპანტიას“ წევრებმა თავიანთი სათქმელი თქვეს გუშინ ბათუმშიც. მათ რუსთაველის ქუჩა მავთულხლართით გადაკეტეს და პროტესტის ამ ფორმით ქალაქის სტუმრებს შეახსენეს, რომ საქართველოს 20 პროცენტი ოკუპირებულია.
მოძრაობის წევრებმა დილით ერას მოედანზე და .ქალაქის რამდენიმე ქუჩაზე დიდი ბანერი და პლაკატებიც გააკრეს.
ბრძოლა ყველგან და ყველა დონეზე! – ახალგაზრდების ამ სულისკვეთების ფონზე მნიშვნელობა აღარა აქვს, არც იმას, რას ლუღლუღებს ჩვენი უმწეო ხელისუფლება (მით უფრო, რომ დიდი დრო არ დარჩენია) , და არც იმას, რომ პოლიციის თანამშრომლებმა პლაკატები ჩამოხსნეს და მავთულხლართები აიღეს.
რუსეთი ოკუპანტია და არის საქართველოში ძალა, რომელიც ამას არასოდეს შეეგუება . ეს ძალა ახალგაზრდობაა. მთავარი ეს არის.
