მწვერვალ უშბაზე ორი ადამიანის ჩონჩხი აღმოაჩინეს. მესტიის მუნიციპალიტეტის მერიის ეკონომიკისა და ტურიზმის განვითარების სამსახურის უფროსის, დავით რატიანის ინფორმაციით, ისინი უცხოელმა ალპინისტებმა იპოვეს.
„„ბოლო დღეებში დაკარგულების შესახებ შეტყობინება არ დაფიქსირებულა და შესაბამისად, ჩვენ იქ სამძებრო სამუშაოები არ გვიწარმოებია, სესაბამისად უცხოელმა ალპინისტებმა ისინი შემთხვევით იპოვეს. სავარაუდოდ, წლების წინ დაღუპული ტურისტები არიან, თუმცა დაზუსტებით მაინც ვერ ვიტყვით. თოვლის ინტენსიურმა დნობამ ხელი შეუწყო მათ აღმოჩენას. ნეშტი ჯერჯერობით არ ჩამოგვისვენებია, ველოდებით სპეციალისტებს. ტურისტების მიერ მათი აღმოჩენის შესახებ ინფორმაცია ჩვენამდე დღეს მოვიდა“- აცხადებს დავით რატიანი
უწყებაში ამ ეტაპზე ვერ აკონკრეტებენ, თუ როდის მოხდება უშბიდან ნეშტების გადმოსვენება. მათი თქმითეს მეტეოროლოგიური პირობების გათვალისწინებით მოხდება.