რუსეთის ჯარი დგას საქართველოში, უკრაინასა და მოლდოვაში ამ ქვეყნის მთავრობების ნების საწინააღმდეგოდ – ჩრდილო-ატლანტიკურ ალიანსი რუსეთის პრეზიდენტის განცხადებებს პასუხობს.
"როიტერისთვის" მიცემულ ინტერვიუში, ნატოს წარმომადგენელი ამბობს, რომ პუტინის გუშინდელი განცხადება რომ ალიანსის ჯარები რუსეთისთვის საფრთხეს წარმოადგენს, სიმართლეს არ შეესაბამება.
მისივე თქმით, ევროპის აღმოსავლეთ ნაწილში დისლოცირებული ალიანსის 4000 ჯარისკაცის მისია შესაძლო აგრესიის თავიდან აცილებაა, რაც თავის მხრივ ალიანსის საზღვრებთან განლაგებული რუსეთის სამხედრო ძალების ოდენობას ვერც შეედრება.