ამ ზაფხულს ლერვის ნახარშით დამწვრობის კიდევ ერთი , რიგით მეხუთე შემთხვევა დაფისქირდა. ამჯერად ეს 12 წლის გოგონას შეემთხვა, რაც პირველი შემთხვევაა იმ თვალსაზრისით, რომ დამწვრობა აქამდე მხოლოდ ზრდასრულ ახალგაზრდებს ჰქონდათ მიღებული.
დამწვრობის ცენტრის ხელმძღვანელის გუგა ქაშიბაძის განცხადებით, გოგონა იმერეთიდან გუშინ, გვიან ღამით რეანომობილით შეიყვანეს ცენტრში. ბავშვს სხეულის 40% აქვს დამწვარი. კერძოდ, გულ–მკერდი, მუცელი და ქვემო კიდურები.
„პაციენტს დღეს დილით ნარკოზით შეხვევა ჩაუტარდა და იგი ქირურგიულ განყოფილებაში მოთავსდა. მისი ჯანმრთელობის მდგომარეობა სტაბილურია“, – განაცხადა ქაშიბაძემ.