საქართველოში ანგელა მერკელის ვიზიტის პარალელურად, 24 აგვისტოს, მოსკოვში, რუსეთის პრეზიდენტი ვლადიმერ პუტინი ოკუპირებული სამხრეთ ოსეთის ე.წ. პრეზიდენტს ანატოლი ბიბილოვსა და ოკუპირებული აფხაზეთის ე.წ. პრეზიდენტს რაულ ხაჯიმბას მიიღებს.
შეხვედრა რუსეთის მიერ ოკუპირებული ტერიტორიების აღიარების 10 წლის თავზე გაიმართება.
ანატოლი ბიბილოვმა ვლადიმერ პუტინი ოკუპირებულ ცხინვალში, აღიარებიდან 10 წლის თავის აღსანიშნავ ღონისძიებებზე გასული წლის ნოემბერში დაპატიჟა, თუმცა, რუსეთის პრეზიდენტის ადმინისტრაციამ აღნიშნულ მოწვევაზე უარი განაცხადა.
ანალიტიკოსები ამბობენ, რომ ამ გადაწყვეტილებით ვლადიმერ პუტინი ხაზს უსვამს, რომ საქართველოს მიმართ რუსეთის პოლიტიკა არ იცვლება.
ექსპერტების აზრით პუტინს სეპარატისტი ლიდერების მიღებით სურს ხაზის გაუსვას იმას, რომ რუსეთის პოლიტიკა არ შეცვლილა და დასავლეთი არ ენაღვლება“, ანუ სურს მიანიშნოს დასავლეთს, რომ მას არ ენაღვლება ვინ ჩავა საქართველოში, რადგან საქართველოს მიმართ მას აქვს საკუთარი პოლიტიკა, რომელსაც არ ცვლის.