პარტია "თავისუფალმა საქართველომ" პრეზიდენტობის კანდიდატი კახა კუკავა ზუგდიდში წარადგინა. პრეზიდენტობის კანდიდატმა საარჩევნო კაპმანიის დაწყება ზუგდიდიდან დააანონსა და აღნიშნა, რომ ყველა სხვა კანდიდატისგან განსხვავებული საარჩევნო პროგრამა აქვს.
„ყურადღებით ვაკვირდებოდი ამ პროცესებს და ჯერჯერობით ვინც მონაწილეობს არჩევნებში სუყველა სააკაშვილის მთავრობის მინისტრები არიან, ვაშაძეც, ბაქრაძეც და ზურაბიშვილიც… ჩვენ გვინდა, რომ ხალხს შევთავაზოთ ეროვნული ფასეულობები. ჩემს გარდა არც ერთი კანდიდატი, არ საუბრობს იმაზე, რომ მარიხუანა და ნარკოტიკი ეს არის სიკვდილი და დაუშვებელია ამის ლეგალიზაცია. ჩვენი პროგრამის პრიორიტეტი იქნება ის, რომ შეწყდეს ქვეყანაში არაბების, ირანელების თუ სხვა მიგრანტების მიღება და მათზე ბინადრობის უფლების გაცემა. და ასევე არავინ საუბრობს იმაზე, რომ ბანკებმა და მევახშეებმა შეჭამეს ეს ქვეყანა", -განაცხადა შეკრებილებთან კახა კუკავამ.