რუსეთში, სტავროპოლის ოლქში თბილისიდან კრასნოდარის მიმართულებით მოძრავი სარეისო ავტობუსისა და „კამაზის“ მარკის სატვირთო ავტომობილის შეჯახების შედეგად დაიღუპა 2 და დაშავდა 17 ადამიანი. ავარია დილის 4 საათზე მოხდა. გავრცელებული ცნობით, ავტობუსის მძღოლმა საჭე ვერ დაიმორჩილა და სატვირთოს შეეჯახა.

 

ავარიის მომენტში ავტობუსში 2 მძღოლი და 40 მგზავრი იმყოფებოდა. 2 ბავშვი გადაყვანილია ქალაქ ნევინომისკის საავადმყოფოში, 8 ადამიანი კი, მათ შორის 3 ბავშვი – ქალაქ პიატიგორსკის საავადმყოფოში.

 

რუსული მედიის ცნობით, დაღუპულთაგან ერთი საქართველოს მოქალაქეა. ავტოსადგურ „კრასნოდარ-1“-ის ცენტრალური სადისპეტჩერო სამსახურის ინფორმაციით, ერთ-ერთი დაღუპული ქართული კომპანია „მიმინოტრანსის“ ხელმძღვანელია.