ბატმა, სახელად გუგუ, ჩინეთის უნივერსიტეტში ადგილი “გაინაღდა”. ბატი პრესტიჟულ ჩინურ უნივერსიტეტში მას შემდეგ “მიიღეს”, რაც მისმა პატრონმა შანხაის საზღვაო აკადემიაში ჩაირიცხვის შემდეგ Weibo-ზე გამოქვეყნებულ საჯარო პოსტში წუხილი გამოთქვა იმის გამო, რომ სახლიდან წასვლის შემდეგ ბატი გუგუს მოვლას ვერ შეძლებდა. აღნიშნულ ინფორმაციას BBC ავრცელებს.სტუდენტმა გოგომ, აღნიშნულის გამო, დახმარება შანხაის საზღვაო აკადემიას სთხოვა. უნივერსიტეტმა მას მალევე უპასუხა და ბატი გუგუს უნივერსიტეტში “ჩარიცხვა” Weibo-ს ოფიციალურ გვერდზე მიულოცა.
სასწავლო დაწესებულებამ გავრცელებულ განცხადებაში ისიც აღნიშნა, რომ უნივერსიტეტი გუგუს “ბატების დიდ ოჯახში” დიდი სიხარულით მიიღებდა.
ბატი უნივერსიტეტის საერთო საცხოვრებელში, ტბასთან ახლოს იცხოვრებს, სადაც მისთვის უსაფრთხო გარემოა – წერს BBC.