ამ წუთებში ზუგდიდში ზებრა გადასასვლელს შლიან. საფრთხის შემცვლელი ზებრა გადასასვლელი, რომელიც არანაირ სტანდარტში არ ჯდება, ზუგდიდის ცენტრალურ გამზირზე წუხელ მოიხაზა. „ოდიშინიუსის“ ინფორმაციით, საავტომობილო გზების დეპარტამენტში განაცხადეს, რომ ზებრა გადასასვლელის ხაზვისას შეცდომაა დაშვებული და კონტრაქტორი საზედამხედველო კომპანია მის გამოსწორებაზე იზრუნებს.
საუბარია ზებრა გადასასვლელზე, რომელიც ბორდიურს უერთდება.
ექსპერტების რეკომენდაციით, ზებრა გადასასვლელის წინ უნდა დაიდგას მაფრთხილებელი ნიშნები, გაუქმდეს ის ზებრა გადასასვლელები, სადაც ქვეითისა და ავტომობილისთვის ერთდროულად ინთება მწვანე შუქი, ცალმხრივ რამდენიმე ზოლიან გზებზე ქვეითთა გადასასვლელებთან შუქნიშნები დაიდგას. გარდა ამისა, ზებრა გადასასვლელები დაიხაზოს კარგად აღქმადი სპეციალური მასალით.
