ვანო მერაბიშვილი, რომელსაც დაახლოებით ორი კვირაა სასუნთქი გზების პრობლემა აქვს, საავადმყოფოდან ერთ საათში დააბრუნეს საკანში.
დღეს ე..წ. მატროსოვის ციხეში ვანო მერაბიშვილის მოსანახულებლად მისი ადვოკატი სტეფანე თუმანიშვილი შევიდა. როგორც ადვოკატმა ჟურნალისტებს განუცხადა, ვანო მერაბიშვილის ჯანმრთელობის მდგომარეობის შესახებ ექიმებისგან ინფორმაცია ვერ მიიღო და ამ დეტალებს უშუალოდ მერაბიშვილისგან მოისმენს.
როგორც მისმა ადვოკატმა გიორგი ჩივიაშვილმა განაცხადა, მერაბიშვილს დაახლოებით ორი კვირაა სასუნთქი გზების პრობლემა აქვს, რის გამოც, მისი სასჯელაღსრულების დაწესებულებიდან კლინიკაში გადაყვანა გახდა საჭირო. ამ ეტაპზე ვანო მერაბიშვილი ისევ სასჯელაღსრულების დასწესებულებაშია დაბრუნებული.
იუსტიციის სამინისტროს ინფორმაციით, საქართველოს შინაგან საქმეთა ყოფილ მინისტრ ვანო მერაბიშვილს ჯანმრთელობის მდგომარეობის გაუარესების გამო გუშინ გამოკვლევები ჩაუტარდა. მისი დიაგნოზი ჯანმრთელობისა და სიცოცხლისთვის საშიში არ არის. მათივე ცნობით, მან კლინიკაში 1 საათი დაჰყო.
