ზუგდიდის მუნიციპალიტეტის მერიაში ჟურნალისტებს განუცხადეს, რომ სუსის მიერ ბოტანიკური ბაღის შემოწმებაზე არაფერი იციან. „ა(ა)იპ "ბოტანიკური ბაღების მართვის ცენტრთან" დაკავშირებით, ჩვენ არაფერი ვიცით, ორგანიზაციას ყველაფერი წესრიგში აქვს და დამატებითი ინფორმაციისთვის მიმართეთ სუსს“- აცხადებენ უწყებაში. სუს-მა ზუგდიდის მუნიციპალიტეტის კერძო სამართლის არასამეწარმეო იურიდიული პირის, ბოტანიკური ბაღების მართვის ცენტრის საქმიანობის შესწავლა დაიწყო, – ინფორმაციას ამის შესახებ სახელმწიფო უსაფრთხოების სამსახური ავრცელებს.
მათივე ინფორმაციით, ცენტრის საქმიანობის შესწავლა სუს-ის ანტიკოროფციულმა სააგენტომ შესაძლო დანაშაულის გამოვლენის მიზნით დაიწყო.