თბილისში სამშობიარო სახლ "ნინოში" 35 წლის მშობიარე ქალი გარდაიცვალა. არსებული ინფორმაციით, ქალს მშობიარობიდან ორი საათის შემდეგ სისხლდენა დაეწყო, ჯანმრთელობის მდგომარეობის გაუარესების შემდეგ ის ღუდუშაურის კლინიკაში გადაიყვანეს, თუმცა ექიმებმა მისი გადარჩენა ვერ შეძლეს.. პაციენტს მშობიარობის შემდეგ სისხლდენა დაეწყო და ღუდუშაურის სახელობის ეროვნულ სამედიცინო ცენტრში გადაიყვანეს. ახალგაზრდა ქალი სწორედ ღუდუშაურის კლინიკაში დაიღუპა. ინფორმაცია ჩვილის შესახებ არ ვრცელდება.
სამშობიარო სახლის დირექტორის, ნინო კაკულიას განმარტებით, ქალს გული ღუდუშაურის კლინიკაში ოპერაციის დაწყების შემდეგ გაუჩერდა. ,„ჩვენ დანაშაული არ მიგვიძღვის, რაც შეგვეძლო, რაც საჭიროა, ყველაფერი გაკეთდა. ჩვენთან არ დაღუპულა, ღუდუშაურის კლინიკაში დაიღუპა. აქ იმშობიარა, სტაბილურ მდგომარეობაში გადავიყვანეთ და იქ დაიღუპა",- განაცხადა კაკულიამ.
გარდაცვლილი მშობიარე ქალის ოჯახის წევრები სამშობიაროს ადმინისტრაციას და ექიმებს უყურადღებობაში და დაუდევრობაში ადანაშაულებენ. – სამშობიარო სახლ "ნინოში" ექიმებსა და შორის დაპირისპირება მოხდა.
ოჯახის წევრები ამბობენ, რომ მათი შვილი ნაადრევად ამშობიარეს, რაც გარდაცვალების მიზეზი გახდა.
ისინი ყვებიან, რომ ბუნებრივად მშობიარობის მიზნით ახალგაზრდა ქალს დამაჩქარებელი გაუკეთეს. მშობიარობის შემდეგ კი მას სისხლდენა დაეწყო და სისხლისგან დაიცალა. მათვე თქმით, სამშობიარო სახლში გადასასხმელი სისხლი არ ჰქონდათ, რის გამოც ღუდუშაურის კლინიკაში გადაყვანა გახდა საჭირო. ახალგაზრდა ქალს 4 ლიტრამდე სისხლი ჰქონდა დაკარგული, რის გამოც მედიკოსებმა მისთვის ოპერაციის გაკეთება ვეღარ მოასწრეს და ქალი ღუდუშაურის საავადმყოფოს ლიფტში გარდაიცვალა.
„ვარდება წნევა იმის გამო, რომ არ არის სისხლი, ამ დროს რაღაც წამლით წევენ. ეს „ტრუხა“ რაღაც არის, ვერ წევს იმიტომ, რომ სისხლი მიდის. ამ დროს იმის მაგივრად, რომ მოვიდეს კომპეტენტური პირი, რომ გასინჯონ, რომელიც აპარატურა ამათ არ აქვთ, რომ გასინჯონ. სისხლი არ აქვთ რომ გადაუსხან, ჩემი შვილი იცლება სისხლისგან. 4 ლიტრი სისხლი დაკარგული ჰქონდა და ლიფტში გარდაიცვალა ბავშვი, საოპერაციომდე ვეღარ მიაღწია,“ – განაცხადა გარდაცვლილის მამამ, ქრისტოფორე აბრამიშვილმა.
მომხდართან დაკავშირებით გამოძიება სისხლის სამართლის კოდექსის 116-ე მუხლის პირველი ნაწილით დაიწყო, რაც გაუფრთხილებლობით სიცოცხლის მოსპობას გულისხმობს.