ესპანეთში, ქალაქ ვიგოში კონცერტის დროს ხის კონსტრუქციის ჩამოშლის შედეგად დაახლოებით 266 ადამიანი დაშავდა.
ესპანური მედიის ინფორმაციით, ინციდენტი გუშინ საღამოს, O Marisquiño-ს ფესტივალის ფარგლებში ერთ-ერთი კონცერტის დროს მოხდა. მუსიკოსეის მოსასმენად აქ რამდენიმე ათასი ადამიანი მივიდა.
ხის კონსტრუქციამ ხალხის მასას ვერ გაუძლო და ჩაინგრა, რის შედეგადაც მაყურებელთა დიდი ნაწილი ზღვაში აღმოჩნდა.
დაშავებულები საავადმყოფოებში გადაიყვანეს, მათგან ოთხის მდგომარეობა მძიმეა.
ეს სასცენო კონსტრუქციის ჩამონგრევის მეორე შემთხვევაა ივლისის შემდეგ. პირველი შემთხვევა მოხდა ვარშავაში, ბიონსეს კონცერტზე, მაშინ მომღერალი ფაქტობრივად კონსტრუქციის ნანგრევების ტყვეობაში აღმოჩნდა და ძლივს გამოიხსნეს სახანძრო კიბის მეშვეობით.
