ბიზნესმენი მიხეილ ხუბუტია  თავის პირად ფეისბუქგვერდზე  შვილის სიკვდილს ეხმაურება :

 

 ,,რისთვის, შვილო? შენ ხომ ასე კეთილი, ალერსიანი, განათლებული, ჭკვიანი ბიჭი მყავდი! რიღასთვის უნდა ვიცოცხლო აწი?'' – ასეთია პირველი  ჩანაწერი, რომელიც გულმოკლულმა მამამ გააკეთა    სენ-ტროპედან, სადაც დასასვენებლად იყო წასული.

 

 დღეს მიხეილ ხუბუტია  მისი უბედურების გამზიარებლებს მიმართავს: ,, ყველას დიდი მადლობა თანაგრძნობისთვის!  ჩემს საყვარელ ბიჭუნას 9 აგვისტოს ვემშვიდობები, ტროეკუროვის სასაფლაოზე, 12:00 წუთზე. ''

 

როგორც ჩანს,  მიხეილ ხუბუტიას გარკვეული ეჭვები აქვს მისი ვაჟის სიკვდილის გარემოებებთან  დაკავშირებით, იგი პირდაპირ არაფერს ამბობს, მაგრამ მისი ეჭვების არსებობის შესახებ ვარაუდის საფუძველს იძლევა  ის, რომ მის გვერდზე უკვე მიღებული შემზარავი შეტყობინების შემდეგ გაზიარებულია ,,სპიჩკა ნიუსის'' სტატია სათაურით ,,მიხეილ ხუბუტიას უთანასწორო შეტაკება'' , რომელშიც მოთხრობილია მასა  და მოსკოვის სამშენებლო კომპანიის უფროსს მარატ ხუსნულინს შორის გამწვავებული ბრძოლის შესახებ..,, სნ'' -ს სტატიის წყაროა The Moscow Post.-ისა და ს ,,სვობოდნაია პრესას''  პუბლიკაციები, რომლებშიც ნათქვამია, რომ მიხეილ ხუბუტიას  კონფლიქტი სუხულინთან და მის უკან მდგომ ძალებთან  დაიწყო ,,დასავლეთის პორტის" განაშენიანების  საქმესთან დაკავშირებით – მასში კაპიტალდაბანდება ხუბუტიასაც აქვს ჩადებული. როგორც გამოცემა წერს, ხუბუტიას  ბრალდებები ხუსულინის მიმართ მეტად სერიოზულია – იგი ამხელს მას ადამიანების მიმართ  სიცოცხლის  მოსპობის მუქარაში, რამდენიმე მილიონი რუბლის გამოძალვასა და კიდევ უფრო  დიდი  თანხების თაღლითურად მითვისებაში    – ამის შესახებ დასახელებული გამოცემებიც წერდნენ, მაგრამ  მაგრამ მიხეილ ხუბუტია უფრო შორს წავიდა – მან   დაასახელა რამდენიმე მეწარმე, რომელთაც ხუსნულინისგან შესაძლოა მრავალმილიარდიანი კონტრაქტები მიიღეს.  სტატიის ავტორს უკვირს,  რა იმედით შეება ხუბუტია სუხნულინს, რომელსაც მოსკოვის მერი სერგეი სობიანინი მფარველობს? 

 

შეიძლება თუ არა ამ კონფლიქტს რაიმე შეხება ჰქონდეს ბიზნესმენის ვაჟის სიკვდილთან? –  სვამს კითხვას გამოცემა. ეს კითხვა ებადებათ ნიკოლოზ ხუბუტიას მეგობრებსაც , მათ შორის ანდრო ი – ს, რომელიც აცხადებს, რომ გარკვეული ხნის მანძილზე, როცა მიხეილ ხუბუტიასთან მუშაობდა ,   ახლო კავშირები ჰქონდა დაღუპულთან.