ზუგდიდის რაიონული სასამართლოს მოსამართლე შოთა ბიჭია კორცხელის საქმეზე განაჩენს დღეს გამოაცხადებს.
სხდომას ყველა ბრალდებული ესწრება, ვლადიმერ გეგეშიძის გარდა, რომელიც თურქეთში იმყოფება და პროცესს სკაიპის საშუალებით ერთვება.
2016 წლის 22 მაისს გამართულ შუალედურ არჩევნებში კორცხელის საარჩევნო უბანთან სპორტსმენები და "ერთიანი ნაციონალური მოძრაობის" ლიდერები ერთმანეთს დაუპირისპირდნენ. რამდენიმე მათგანმა დაზიანებები მიიღო, რომელთა ნაწილიც ზუგდიდის რეფერალურ საავადმყოფოში გადაიყვანეს. აღნიშნულ საქმეზე გამოძიება სსკ-ის 239-ე მუხლის მეორე ნაწილის ,,ა’’ ქვეპუნქტით და 239-ე მუხლის მესამე ნაწილით მიმდინარებს.