2008 წელს საქართველო შვიდმა ევროპელმა ლიდერმა გადაარჩინა, ისინი ჩვენთან ერთად იმ მიტინგზე იდგნენ, რომლის დაბომბვითაც პუტინი იმუქრებოდა, – ამის შესახებ საქართველოს ყოფილმა პრეზიდენტმა მიხეილ სააკაშვილმა მედიასაშუალება „Настоящее Время”-სთან ინტერვიუში განაცხადა.
„ისინი ჩამოფრინდნენ საქართველოში მიუხედავად იმისა, რომ რუსი სამხედროები მათი თვითმფრინავების ჩამოგდებით იმუქრებოდნენ. ჩამოვიდა პრეზიდენტი კაჩინსკი, სარკოზი, შემდეგ ჩამოვიდა მერკელი და სხვები.
საქართველო მაშინ ძალიან მნიშვნელოვანი იყო, ჩვენ დიპლომატიური სოლიდარობა გვქონდა. სამწუხაროდ, საქართველო ახლა მსოფლიო ზესახელმწიფოების რადარებიდან გამქრალია. საქართველო ძალიან უმნიშვნელო გახდა და ეს მას ძალიან მოწყვლადს ხდის. სამხედრო თვალსაზრისით საქართველოს ამ საკითხის მოგვარება არ შეუძლია. ერთადერთი გამოსავალი დიპლომატიური სოლიდარობა და სხვებისთვის მიმზიდველობაა. როდესაც შენ არავის სჭირდები, ხდები ძალიან მოწყვლადი იმისთვის, ვისაც შენ მსხვერპლის სახით სჭირდები“, – განაცხადა სააკაშვილმა
