გუშინ გვიან ღამით თბილისში წერეთლის გამზირზე, „დინამოს“ მიმდებარე ტერიტორიაზე მოქალაქეებს შორის მომხდარი დაპირისპირება მოხდა.
საპატრულო პოლიციის თანამშრომლებმა მათი გაშველება და ვითარების განმუხტვა განსაკუთრებული აგრესიით მოქმედი ახალგაზრდების დაკავებით სცადეს., თუმცა რ.შ. და თ.ძ. არ დაემორჩილნენ პატრულ–ინსპექტორების – ალექსანდრე ხუჭუას და მალხაზ ხუფენიას კანონიერ მოთხოვნას. მათ პოლიციელებს წინააღმდეგობა გაუწიეს, სამსახურებრივი მოვალეობის შესრულებაში ხელი შეუშალეს და ფიზიკური და სიტყვიერი შეურაცხყოფა მიაყენეს. ინცინდენტის შედეგად დაშავდა პატრულის თანამშრომელი, პატრულ–ინსპექტორი ალექსანდრე ხუჭუა, რომელიც ჯანმრთელობის დაზიანებით საავადმყოფოში გადაიყვანეს, ხოლო 1991 წელს დაბადებული რ.შ. და 1981 წელს დაბადებული თ.ძ. სამართალდამცველებმა პოლიციელისათვის წინააღმდეგობის გაწევის ბრალდებით დააკავეს.