გორის სასამართლოსთან რადიო "მოზაიკის" თანამშრომლები ზაზა სარალიძესთან ერთად აქციას მართავენ. აქციის მონაწილეები იმ 500 ლარიან ადმინისტრაციულ ჯარიმას აპროტესტებენ, რომელიც რადიოს დირექტორის გვანცა დოლუაშვილს დაეკისრა.
დოლუაშვილმა გორში ზაზა სარალიძის მხარდასაჭერი წარწერები „მოკლულია 2 მოსწავლე“, „მკვლელი ქუჩაშია“, „სამართალი სად არის?!“ ასფალტზე დაწერა.
აქციაზე იმყოფება თბილისში, ხორავას ქუჩაზე მოკლული დავით სარალიძის მამა, ზაზა სარალიძე.
წარწერების გამოჩენიდან დაახლოებით 2 თვის მერე, გორის სათემო რადიო „მოზაიკას“ დირექტორისთვის ცნობილი გახდა, რომ მის წინააღმდეგ დაწყებული იყო ადმინისტრაციული საქმის წარმოება – პოლიცია მას ქალაქის იერსახის დამახინჯებაში ადანაშაულებს და ქალაქის იერსახის დამახინჯებისთვის სასამართლომ 500 ლარიანი ჯარიმა დააკისრა.