მეხუთე დღეა, რაც 54 წლის პანკისელ მამაკაცს ოჯახი ეძებს. ოთარ ხანგოშვილი სოფელ დუისიდანაა. ოჯახის ინფორმაციით, ის ჩეჩნეთში იმყოფებოდა და ლარსის სასაზღვრო პუნქტი 28 ივლისს გადმოკვეთა, რის შემდეგაც გაუჩინარდა.
"ჩეჩნეთში იყი და საქართველოში ბრუნდებოდა. როგორც ვიცით სავიზო რეჟიმის ერთდღიანი დარღვევის გამო რუსეთის მხარემ უკან გააბრუნა ვლადიკავკაზში, მაგრამ ჯარიმის გადახდის შემდეგ, საქართველოს საზღვრის გადმოკვეთა დაუფიქსირდა. მეხუთე დღეა ჩვენი ძალებით ვეძებთ. დუისის ადგილობრივ პოლიციაში განცხადებაც შევიტანეთ. სადაც შეიძლება გაჩერებულიყო, ყველგან მოვძებნეთ და არსად არაა. ვითხოვთ დაგვეხმარონ და მოგვაძებნინონ", – განაცხადა დაკარგულის მეუღელმ ხადიშათ მარგოშვილმა.