ინდონეზიაში მიწისძვრის შედეგად რინჯანის ვულკანთან 560 ტურისტია ჩარჩენილი.
მიწისძვრას მეწყერის ჩამოწოლა მოჰყვა, რის გამოც ტურისტები მთიდან ჩამოსვლას ვერ ახერხებენ.
ადგილობრივი მედიის ინფორმაციით, მაშველები ტურისტების გამოყვანას უახლოეს დროში მოახერხებენ.
საინფორმაციო სააგენტო „სინჰუას“ ცნობით, ტურისტებს შორის, 311 ჩინელი ტურისტია, ასევე არიან აშშ-ს, დიდი ბრიტანეთის, მალაიზიის, კანადის, საფრანგეთის, ნიდერლანდებისა და სინგაპურის მოქალაქეები.
ადგილობრივი ხელისუფლების ინფორმაციით, ტურისტების სიცოცხლეს საფრთხე არ ემუქრება და მათ უახლოეს დროში მიაწვდიან წყალსა და საკვებს.
შეგახსენებთ, გუშინ ინდომეზიაში მძლავრი მიწისძვრა მოხდა , ნგრევას 14 ადამიანი ემსხვერპლა. დაშავებულია 150 – ზე მეტი. პირველი ბიძგის სიმძლავრე 6 ბალს აღემატებოდა, მას სედარებით მცირე სიმძლავრის კიდევ 40 ბიძგი მოყვა,.