ანტალიაში ქურდობის ბრალდებით საქართველოს 2 მოქალაქე დააკავეს. თურქული მედიის ინფორმაციით, 17 წლის ახალგაზრდამ ტანსაცმლის მაღაზიიდან პროდუქცია გაიტანა.
მაღაზიის მეპატრონეებმა პოლიცია გამოიძახეს. თურქული მედიის ცნობით, სამართალდამცავებმა სათვალთვალო კამერების ჩანაწერები ამოიღეს და აღმოაჩინეს, რომ ბრალდებულმა გასახდელში რამდენიმე ნივთი შეიტანა და ტანსაცმელზე დამაგრებული ჩიპები მოხსნა. საქართველოს მოქალაქე, მოგვიანებით იმავე მაღაზიაში ისევ მივიდა, მას თან 19 წლის ქართველი ახალგაზრდა ახლდა. მაღაზიის მეპატრონემ იცნო იგი და პოლიციას დაუკავშირდა
ორივე ახალგაზრდა დააკავეს. ეჭვმიტანილების ბინის ჩხრეკის დროს ამოღებულია ტანსაცმელზე დამაგრებული უსაფრთხოების ჩიპების მოსახსნელად საჭირო აღჭურვილობა. თ.დ. გირაოს საფუძველზე გაათავისუფლეს, ხოლო ნ.ბ. პატიმრობაში რჩება.