პრემიერ-მინისტრმა მამუკა ბახტაძემ სამეგრელო-ზემო სვანეთის გუბერნატორი ლევან შონია თანამდებობიდან გაათავისუფლა.ამის შესახებ ბახტაძემ ბრიფინგზე დღეს დილით განაცხადა. ცნობილია, რომ შონიასთან ერთად გათავისუფლებულია კიდევ რამდენიმე გუბერნატორი. პრემიერის თქმით, დღემდე არსებული რეგიონული მართვის სისტემა ვერ პასუხობდა იმ გამოწვევებს, რაც რეალურად არსებობს.
„იმ მიზნებიდან გამომდინარე, რაც ჩვენს მთავრობას აქვს, აუცილებელია ახალი მიდგომები რეგიონების მართვას და ცენტრალურ ხელისუფლებასთან კოორდინაციის თვალსაზრისით. აქედან გამომდინარე, თანამდებობიდან თავისუფლდებიან სამეგრელო-ზემო სვანეთის, შიდა ქართლის, მცხეთა-მთიანეთის,ქვემო ქართლის, სამცხე-ჯავახეთის გუბერნატორები“, – განაცხადა მამუკა ბახტაძემ.