გაერთიანებული ოპოზიციის საპრეზიდენტო კანდიდატს ანაკლიაში იმ პოლიტიკური სუბიექტების წარმომადგენლებიც ახლდნენ, რომლებიც პოლიტიკურ ბლოკში არიან გაერთიანებული. ეროვნულ-დემოკრატიული პარტიის თავმჯდომარე ბაჩუკი ქარდავა ამბობს, რომ მთავარი წარმატება არის ერთიანობა ოპოზიციურ პარტიებს შორის.
„ყველაზე მთავარი რესურსი, რომლის მოძებნაც ჩვენ მოვახერხეთ, ეს არის ერთობა, ეს არის არამარტო პოლიტიკური, არამედ სხვა რეალობა, ჩვენ გავაერთიანეთ არა მარტო პოლიტიკური ძალები, არამედ საზოგადოებრივი ჯგუფები, ცალკეული პიროვნებები, რომელსაც ქართველი ხალხი უსმენს და აინტერესებს მათი მოსაზრებები ამა თუ იმ საკითხთან დაკავშირებით. მთავარი წარმატების დამაგვირგვინებელი ფაქტორი აღმოჩნდა ის, რომ გრიგოლ ვაშაძემ მიიღო გადაწყვეტილება მიეღო საპრეზიდენტო არჩევნებში მონაწილეობა. „- განაცხადა ბაჩუკი ქარდავამ. მან ასევე ისაუბრა ბიძინა ივანიშვილის ინტერვიუზე და არნიშნა, რომ ის აუცილებლად დამარცხდება ამ არჩევნებში:
„გუშინ ბიძინა ივანიშვილმა ისე ილაპარაკა, თითქოს ამ საპრეზიდენტო არჩევნებისთვის მნიშვნელობა არ მიენიჭებინა. ეს არის ბრძოლის ველიდან გაქცევა, იმიტომ რომ მას არ უნდა 2020 წლის საპარლამენტო არჩევნების წინ იწვნიოს მარცხი და საზოგადოებას უნდა უთხრას რომ საპრეზიდენტო არჩევნებს გადამწყვეტი მნიშვნელობა არა აქვს. ჩვენ გეუბნებით რომ აქვს, იმიტომ რომ ჩვენ ამ არჩევნებში აუცილებლად გავიმარჯვებთ და ჩვენი ამოცანაა, რომ საპრეზიდენტო არჩევნების კვალდაკვალ ხელისუფლება შევცვალოთ, იმიტომ რომ ცვლილებები ქვეყანაში აუცილებელია, იმიტომ რომ სევაჩეროთ უკუსვლა და წავიდეთ წინ, განვითარებისკენ.“- აღნიშნა ქარდავამ