"ფეხი შეაწმინდა დღეს ბიძინა ივანიშვილმა გიორგი კვირიკაშვილს,"- ასე აფასებს "ნაციონალური მოძრაობის" ერთ-ერთი ლიდერი, ზაალ უდუმაშვილი, ბიძინა ივანიშვილის პირველ ინტერვიუს პოლიტიკაში დაბრუნების შემდეგ.
ოპოზიცური პარტიის წარმომადგენელი განმარტავს, რომ ქვეყანაში ხმაურიანი პროცესების დაწყებაა მოსალოდნელი."ფეხი შეაწმინდა დღეს ბიძინა ივანიშვილმა გიორგი კვირიკაშვილს და ყველაფერი, რაც მისი აზრით, ცუდი ხდება ქვეყანაში, არის კვირიკაშვილის და იმ მინისტრების ბრალი, რომლებსაც დღეს იბარებენ პროკურატურაში, შესაბამისად ჩვენ არ გამოვრიცხავთ, რომ ძალიან ხმაურიანი პროცესები დაიწყოს ქვეყანაში კვირიკაშვილის და მისი მეგობარი მინისტრების წინააღმდეგ,"-აცხადებს ზაალ უდუმაშვილი."ევროპულ საქართველოში" კი თვლიან, რომ კვირიკაშვილის შემდეგ, შესაძლოა, იგივე მდგომარეობაში ბახტაძე აღმოჩნდეს.
"თუ დასცალდა ბატონ ივანიშვილს, მომავალშია სე იქნება ბახტაძეც, იყენებს ხოლმე პროკურატურას ხანდახან და ქმნის რაღაც საქმეებს, რითიც ზემოქმედებას ცდილობს ყოველ შემთხვევაში თავისივე არჩეულ ადამიანებზე, რომლებზეც მერე იმედი გაუცრუვდა,"-აცხადებს ირაკლი კიკნაველიძე.
შეგახსენებთ, რომ ბიძინა ივანიშვილმა, პოლიტიკაში დაბრუნების შემდეგ, პირველი ინტერვიუ საზოგადოებრივ მაუწყებელს მისცა. მან კვირიკაშვილი მკაცრად გააკრიტიკა და განაცხადა, რომ ყოფილი პრემიერი პოსტიდან უნდა წასულიყო.