საქართველოს ადვოკატთა ასოციაციის ადვოკატის უფლებათა დაცვის სამეგრელო-ზემო სვანეთის რეგიონალურმა კომიტეტმა სხდომა გამართა.სხდომაზე ადვოკატ იოსებ ჯანაშიასა და ბაჩუკი ყურაშვილის განცხადებები განიხილეს. როგორც ადვოკატები აცხადებენ მათ საადვოკატო საქმიანობაში უხეშად ერევა ზუგდიდის რაიონული პროკურორატურა რომელიც დაკავებულების ნათესავებს აძლევს მითითებას, თუ სურთ საპროცესო შეთანხმება გაფორმდეს დაკავებულთან, დაკავებულების ნათესავებმა პროკურორ სალიას მიერ შეთავაზებული ადვოკატი უნდა აიყვანონ.მათი მტკიცებით, სწორედ ამიტომ, დაკავებულის ნათესავებმა კონკრეტულ საქმეებზე ჯანაშიასა და ყურაშვილის მომსახურეობზე უარი თქვეს. ადვოკატები ფაქტების გამოძიებას და პროკურორების დასჯას ითხოვენ.
„ადვოკატთა უფლებების დაცვის კომიტეტის სხდომა ჩატარდა. სხდომაზე განსახილველად წარდგენილი იყო ჩემი განცხადება, სადაც მე კომიტეტს წარვუდგინე განცხადება იმასთან დაკავშირებით, რომ ჩემი, როგორც ადვოკატის საქმიანობა მეზღუდებოდა, გამომდინარე იქიდან, რომ რაიონის პროკურორი ფაქტობრივად ახდენდა ჩემს დისკრედიტაციას მოცემულ საქმეებში. ანუ იმ საქმეებში, სადაც მე მონაწილეობას ვიღებდი. კომიტეტი ამასთან დაკავშირებით შესაბამის წვდომას მიიღებს, რაც წარედგინება შემდგომ ადვოკატთა ასოციაციას და ადვოკატთა ასოციაცია მთავარ პროკურატურას წარუდგენს თავის დასკვნას და რეკომენდაციას აღნიშნულ საკითხთან დაკავშირებით,“ – განაცხადა ადვოკატმა, იოსებ ჯანაშიამ.