თეთნულდზე, უკრაინელი ტურისტის სამძებრო-სამაშველო სამუშაოები დილიდან განახლდა.
როგორც საგანგებო სიტუაციების მართვის სამსახურში აცხადებეს, ვერტმფრენი თბილისიდან მესტიის მიმართულებით 07:00 საათზე გაფრინდა. მათივე ინფორმაციით, აქამდე ვერტმფრენი რთული მეტეოროლოგიური პირობების გამო, მესტიამდე მისვლას ვერ ახერხებდა.
შეგახსენებთ, რომ თეთნულდზე რამდენიმე დღის წინ, ორი უკრაინელი ტურისტი დაიკარგა. მაშველებმა ერთ-ერთი მათგანის უვნებლად გამოყვანა შეძლეს. თუმცა, საგანგებო სიტუაციების მართვის სამსახურის ინფორმაციით, ამინდის გაუარესების გამო, სამაშველო ოპერაციის გაგრძელება ვერ მოხერხდა.
ცნობილია, რომ უკრაინის მოქალაქე, სამწუხაროდ, გარდაცვლილია. საუბარია მის ი ცხედრის ჩამოსვენებაზე, რაც ამ დრომდე ვერ ხერხდება იქიდან გამომდინარე, რომ ადგილზე საკმაოდ რთული რელიეფი და ამავე დროს, რთული ამინდია
ოფიციალური ინფორმაციით, ტურისტთა რვაკაციანი ჯგუფი თეთნულდზე, ზღვის დონიდან 4200-მეტრზე იმყოფებოდა, როდესაც ორი ტურისტი ჯგუფს ჩამორჩა და დაიკარგა. მაშველებმა თეთნულდიდან ერთი უკრაინელი ტურისტი 19 ივლისს ჩამოიყვანეს.