Facebook-ი და Instagram-ი 13-წლამდე ასაკის ანგარიშების გამოვლენასა და მის დაბლოკვას იწყებს.
Facebook-ში აცხადებენ, რომ დაბლოკავენ ყველა 13-წლამდე მომხმარებელს. დაბლოკილებს, რომელთაც სხვადასხვა მიზეზის გამო შეცდომით, ან გარკვეული მიზეზით სხვა ასაკი მიუთითეს, აქაუნთის აღსადგენად Facebook-ის ადმინისტრაციისათვის ID ბარათის, ან პასპორტის ფოტოს გაგზავნა მოუწევს, რომელზეც ცხადად უნდა იყოს აღბეჭდილი მომხმარებლის სურათი და ასაკი.
6-12 წლის ასაკობრივი კატეგორიისთვის Facebook-მა ბავშვებისთვის განკუთვნილი მესენჯერი (Messenger Kids) 2017 წლის დეკემბერში წარადგინა. აპლიკაცია საქართველოსთვის ჯერ ხელმისაწვდომი არ არის.