სამართალდამცველს, რომელმაც ფოთში სწრაფი გადახდის აპარატის გატეხვის მცდელობაზე წასწრებულ ახალგაზრდას თავის არეში სასიკვდილო ჭრილობა მიაყენა, ბრალი სავარაუდოდ დღეს უკვე ოფიციალურად წარედგინება.
იგი ამ მ დრომდე სამედიცინო დაწესებულებაში რჩება. ექიმის განცხადებით, ლემონჯავა თერაპიულ განყოფილებაშია მოთავსებული და რამდენიმე დღიან სტაციონარულ მკურნალობას საჭიროებს.
„მისი ჯანმრთელობის მდგომარეობიდან გამომდინარე საჭიროებს რამდენიმე დღე სტაციონარულ მეთვალყურეობასა და მკურნალობას . პაციენტის მდგომაროება კრიტიკული არ არის. იმყოფება თერაპიულ განყოფილებაში მის სიცოცხლეს საფრთხე არ ემუქრება“ -ამბობს ფოთის ცენტრალური კლინიკური საავადმყოფოს დირექტორი თეა მიგინეიშვილი.
გამოძიება უფლებამოსილების გადამეტების მუხლით მიმდინარეობს, თუმცა დაკავებულის ადვოკატი მის გადაკვალიფიცირებას ითხოვს.
საპატრულო პოლიციის თანამშრომელმა 22 წლის ნაზიმ გუზანოვს მაშინ ესროლა, როცა ის ფოთის ცენტრში სწრაფი გადახდის აპარატის დაზიანებასა და თანხის მითვისებას ცდილობდა. შინაგან საქმეთა სამინისტროში ამბობენ, რომ პოლიციელმა ახალგაზრდას მხოლოდ მას შემდეგ ესროლა, რაც ის ლემონჯავას თავს დაესხა და სავარაუდოდ, თავში ჭრილობა ჩაქუჩით მიაყენა. პოლიციელის დედა თვლის, რომ მის შვილს პატიმრობა არ უნდა შეეფარდოს, რადგან ის საკუთარ მოვალეობას ასრულებდა, გასროლა კი თავდაცვის მიზნით განახორციელა.
„არ მიმაჩნია სამართლიანად, რატომ უნდა დააკავონ ჩემი შვილი ის თავის მოვალეობას ასრულებდა. თავს იცავდა“-ამბობს პოლიციელის დედა