იაპონიაში რეკოდრულად მაღალი ტემპერატურაა. Kyodo-ს ცნობით, პირველად ქვეყანაში მეტეოროლოგიური პირობების დაკვირვების ისტორიაში, ჰაერის ტემპერატურამ 41 გრადუსს გადააჭარბა.
განსაკუთრებით რთული სიტუაციაა ქალაქ კუმაგაიასა და კიოტოში , სადაც მე-19 საუკუნის შემდეგ ტემპერატურამ პირველად მიაღწია ისტორიულ მაქსიმუმს და 40.7C დაფიქსირდა.
მაღალი ტემპერატურაა ქვეყნის რამდენიმე პრეფექტურაში. . ყველაზე ბევრი ადამიანი საიტამას, ფუკუოკას და ოსაკას პრეფექტურებში დაშავდა.
მთელი ქვყენის მასშტაბით, ძლიერი სიცხე უკვე რამდენიმე კვირაა ნარჩუნდება .ამ პერიოდში ანომალიურ სიცხეს 41-ზე მეტი ადამიანი ემსხვერპლა. ათასობით ადამიანი საავადმყოფოშია და შესაბამის მკურნალობას გადის.
იაპონიის განათლების მინისტრმა საგანმანათლებლო დაწესებულებს უმკაცრესი ზომების მიღებისკენ მას შემდეგ მოუწოდა, რაც 6 წლის სკოლის მოსწავლე ძლიერი სიცხის გამო დაიღუპა.
მაღალი ტემპერატურის გარდა ქვეყნის ზოგიერთ რეგიონში უხვი ნალექის გამო დაღუპულთა რიცხვმა 200-ს გადააჭარბა
