BBC – ის ცნობით მისურის ტბაზე ნავის ჩაძირვისას დაღუპული ადამიანების რიცხვი 17-მდე გაიზარდა. პოლიციის განმარტებით, დაღუპულთაგან 9 ერთი ოჯახის წევრია.
ოჯახიდან ერთ-ერთი გადარჩენილი თია კოლიმანი, , ამბობს, რომ ამ კატასტროფაში შვილები, ქმარი და სხვა ახლო ნათესავები დაკარგა , მის გარდა ოჯახიდან გადარჩა მხოლოდ ერთი ადამიანი.
უბედური შემთხვევა ამერიკის შეერთებულ შტატებში გუშინ, ადგილობრივი დროით 19:00 საათზე მოხდა. როგორც ირკვევა ტურისტულ ნავზე მყოფ 31 მგზავრს უსაფრთხოების ჟილეტები არ ეცვათ. უბედური შემთხვევის მიზეზი ძლიერი ქარიშხალი გახდა.
მისურის შტატის პოლიციის განმარტებით, მაშველები ხუთი დაკარგულის ძებნას ამ დრომდე განაგრძობენ.