დღეს დილით ცენტრალური ავტობანის იგოეთის მონაკვეთთან ავარია მოხდა – ერთმანეთს მიკროავტობუსი და ტრაილერი შეეჯახა.
შემთხვევის შედეგად, მიკროავტობუსში მყოფი ქალი ადგილზე დაიღუპა, ხოლო დაშავებული მძღოლი უგონო მდგომარეობაში კასპის საავადმყოფოში გადაიყვანეს, მაგრამ .სიცოცხლესთან შეუთავსებელი ტრავმებით ის გზაში გარდაიცვალა.
არსებული ინფორმაციით, მიკროავტობუსი გადაჭარბებული სიჩქარით მოძრაობდა და ტრაილერს უკნიდან დაეჯახა.
შინაგან საქმეთა სამინისტროს ინფორმაციით, მომხდარ ფაქტთან დაკავშირებით გამოძიება 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. საქმეზე დანიშნულია ექსპერტიზები და მიმდინარეობს გამოძიება.