ზუგდიდში, გამსახურდიას გამზირზე, საერთო საცხოვრებელ კორპუსში გაზის ბალონი აფეთქდა. შემთხვევა დაახლოებით ერთი საათის წინ მოხდა. მარტოხელა ქალბატონს, რომელიც კორპუსის მეორე სართულზე ცხოვრობს, თხევადი გაზი მაშინ აუფეთქდა, როცა გაზქურას უკიდებდა. მეზობლების ინფორმაციით, გაზის ბალონი, რომელიც ახალდატუმბული იყო, მოხუცს შვილმა მიუტანა.
„იმ წუთის ამოტანილი ქონდა ბალონი და რომ უკიდებდა, ისე აალდა და ცეცხლი გაჩნდა, მეტი ხმა არ ქონდა და არაფერი. ..მერე გამოვიძახეთ სასწრაფო, მოვიდა და ჩააქრო ცეცხლი, დაზიანებული არავინ არ არის“ – უთხრეს „ოდიშინიუსს“ თვითმხილველებმა. მარტოხელა მოხუცის ეთერ ნანავას ბინაში დამწვარია საყოფაცხოვრებო ნივთები და ტექნიკა.
