ზუგდიდის მერიამ ბიზნესმენ მიხეილ ხუბუტიას საცურაო აუზის მშენებლობაზე უარი უთხრა და მის სანაცვლოდ ცაიშში ავტორალისთვის ტრასის გაკეთება შესთავაზა. რუსეთში მოღვაწე ქართველმა ბიზნესმენმა აუზის აშენების იდეა თანაქალაქელებს 1-ლი საჯარო სკოლის იუბილეზე შესთავაზა.თუმცა, რამდენიმე დღის წინ მას ზუგდიდის მერის მოადგილე გია გულორდავამ ოფიციალური წერილი მისწერა, რომელიც ხუბუტიამ სოციალურ ჯგუფში გამოაქვეყნა.ხუბუტია აღშფოთებას გამოთქვამს იმის გამო, რომ მას აუზის აშენებაზე უარს ეუბნებიან და განმარტავს, რომ სხვა იდეის დაფინანსება არ სურს, რადგან აუზის აშენებას დაპირდა ზუგდიდელებს.„ჩვენ რა თქმა უნდა მადლობელი ვართ თქვენი წინადადების შეთავაზებისთვის, მაგრამ ზუგდიდი ამ ეტაპზე ორ საცურაო აუზს არ საჭიროებს“- ნათქვამია მერიის მიერ გაგზავნის განცხადებაში.
