10 ოპოზიციური პარტიის გაერთიანების – „ძალა ერთობაშია“ კანდიდატი საპრეზიდენტო არჩევნებში წინასწარ ხდება ცნობილი. შეგახსენებთ, ათი ოპოზიციური პარტიის მიერ ახალი გაერთიანება "ძალა ერთობაშია" შეიქმნა, რომელიც საერთო საპრეზიდენტო კანდიდატის ვინაობას ხვალ ოფიციალურად დაასახელებს.
"სამოქალაქო მოძრაობა – ძალა ერთობაშიას“ წევრები არიან: „ახალი საქართველოსთვის“ – ნიკოლოზ ვაშაკიძე; „ემსახურე საქართველოს“ – მურმან დუმბაძე; „ეროვნულ დემოკრატიული პარტია“ – ბაჩუკი ქარდავა; "სახელმწიფო ხალხისთვის" – ნიკა მაჭუტაძე; "ქრისტიან კონსერვატიული პარტია“ – შოთა მალაშხია; „ერთიანი ნაციონალური მოძრაობა“ – ნიკანორ მელია; „სამოქალაქო ალიანსი თავისუფლებისთვის“ – ზურაბ ხარატიშვილი; "ახალი საქართველო" – გიორგი ვაშაძე; "საქართველო ლიდერთა შორის" – მამუკა გამყრელიძე; "საქართველოს ევროპელი დემოკრატები" – პაატა დავითაია. აღნიშნულმა პარტიებმა დეკლარაციას ხელი დღეს მოაწერეს.