9 ოპოზიციურ პარტიას საერთო საპრეზიდენტო კანდიდატი ეყოლება - კანდიდატი სამშაბათს დასახელდება

ფართო ოპოზიციური გაერთიანების შექმნასა და საპრეზიდენტო კანდიდატთან დაკავშირებით ამ წუთებში ახალი საქართველოს ოფისში კონსულტაციები მიმდინარეობს.არსებული ინფორმაციით, 9 ოპოზიციურ პარტიას საერთო საპრეზიდენტო კანდიდატი ეყოლება და მისი ვინაობა სამშაბათს, დღის მეორე ნახევარში, გახდება ცნობილი. გიორგი ვაშაძის განცხადებით, დღეს ქვეყანაში მდგომარეობა საკმაოდ რთულია და ხელისუფლება მოსახლეობას აღარ უსმენს. ვაშაძე მდგომარეობიდან გამოსავალზე საუბრობს, რომელსაც ის გაერთიანებაში ხედავს.„გამოსავალი არის ერთადერთი – მაქსიმალური გაერთიანება ყველა პოლიტიკური, საზოგადოებრივი ჯგუფის, ვისაც მართლა სწამს და სჯერა საქართველოს მომავლის. დრო ძალიან ცოტაა, შესაბამისად, კონკრეტულ სახელებს ახლა ნამდვილად ვერ დავასახელებ, მაგრამ მივედით, თითქმის, შეთანხმების პროცესამდე და გვეყოლება საერთო კანდიდატი და აუცილებლად გავიმარჯვებთ არჩევნებში,“ – აღნიშნა გიორგი ვაშაძემ.საქართველოს ეროვნულ-დემოკრატიული პარტიის თავმჯდომარე, ბაჩუკი ქარდავა, აცხადებს, რომ ოპოზიციის მთავარ მიზანი ხელისუფლების ცვლილებაა.„ჩვენ აუცილებლად გვეყოლება, ამაში დარწმუნებული ვარ და არ გაგვიჭირდება, ღირსეული, ძლიერი კანდიდატი, რომელიც იბრძოლებს არა საპრიზო ადგილისათვის ამ არჩევნებში, არამედ ხელისუფლების შესაცვლელად,“ – განაცხადა ბაჩუკი ქარდავამ.საზოგადოებრივი მოძრაობის ახალი ერთობა საქართველოსთვის დამფუძნებელი, ნიკოლოზ ვაშაკიძე, კი აცხადებს, რომ „გაერთიანება იქნება სწორედ ამისთვის, რომ საზოგადოების, ქვეყნის საუკეთესო ნაწილი, მისი საკადრო რესურსი მოხდეს მისი მობილიზება, როგორც პოლიტიკურ, ასევე ადმინისტრაციულ რესურსად და ფართო საზოგადოებასთან ერთად, ყველამ მივხედოთ ჩვენ ქვეყანას“.

9 ოპოზიციურ პარტიას საერთო საპრეზიდენტო კანდიდატი ეყოლება – კანდიდატი სამშაბათს დასახელდება

სიახლეები

ნეპალის ტრაგედია — მსხვერპლი იზრდება, ასეულობით ადამიანს ეძებენ

საბაკალავრო პროგრამებზე სახელმწიფო უნივერსიტეტებში ჩარიცხული სტუდენტების რაოდენობა 10%-ით შემცირდა

ეროვნული ბანკი მოსახლეობას აფრთხილებს

2026 წლის ერთიანი ეროვნული გამოცდების შედეგებით, 3 141 აბიტურიენტი პროფესიულ საგანმანათლებლო პროგრამებზე ჩაირიცხა