,,საზოგადოებაში ძალიან აქტიურად განიხილებოდა და არის სურვილი, საპრეზიდენტო კამპანიაში ჩაერთოს ბიძინა ივანიშვილი'' – აცხადებს საპარლამენტო უმრავლესობის ლიდერი არჩილ თალაკვაძე "ქართული ოცნების“ გუნდში მიმდინარე კონსულტაციებთან დაკავშირებით გაკეთებულ კომენტარებში.
იგი არ აკონკრეტებს, საიდან აქვს ინფორმაცია საზოგადოების განწყობის შესახებ და რა აძლევს საფუძველს ასე თავადაჯერებით ილაპარაკოს იმაზე, რა სურს საზოგადოებას, როცა მელ გიბსონის მეხდაცემული და ზეგარდმო ძალით ,,ყურახელილი"' პერსონაჟიც კი არ არის ასე დარწმუნებული იმაში, თუ რა სურთ, მაგალითად, ქალებს
თალაკვაძის თქმით, პარტიის თავმჯდომარის გარდა, მმართველ გუნდში სხვა ძლიერი კანდიდატებიც არიან.
„ჩვენს გუნდში ასევე სხვა ძლიერი კანდიდატები არიან. მე დავასახელებდი დავით სერგეენკოს, სოზარ სუბარს, მაია ცქიტიშვილს, რომლებსაც შეუძლიათ საპრეზიდენტო კამპანიაში ჩართვა და არჩევნებში გამარჯვება. უახლოეს მომავალში გახდება ცნობილი „ქართული ოცნების“ გადაწყვეტილება საპრეზიდენტო კანდიდატთან დაკავშირებით, მას შემდეგ, რაც კონსულტაციები დასრულდება“, – განაცხადა არჩილ თალაკვაძემ
მისგან განსხვავებით, ქართული ოცნების“ გენერალური მდივანი კახი კალაძე არ აკონკრეტებს, ეყოლება თუ არა მმართველ პარტიას საკუთარი საპრეზიდენტო კანდიტატი და მით უმეტეს ვინ მოაზრება კანდდატად .
„გეტყვით ყველაფერს უახლოეს მომავალში. გუნდში მიმდინარეობს მსჯელობა კანდიდატებთან დაკავშირებით, რამდენიმე მნიშვნელოვან კანდიდატზე მიმდინარეობს მსჯელობა და გვყავს ღირსეული ადამიანები, რომელთაც ყველანაირი რესურსი გააჩნიათ საპრეზიდენტო არჩევნების მოსაგებად“.