ხუთი ადამიანი დაშავდა დღეს კახეთში, სოფელ ართანასთან, სასაზღვრო პოლიციის ვერტმფრენის ავარიულად დაშვების შედეგად. მათგან ერთს უკვე უტარდება ოპერაცია თელავის რეფერალურ საავადმყოფოში. იქვეა განთავსებული მეორე დაშავებული და ამ წუთებში აქ კიდევ სამ პაცენტს ელიან.
. სააგენტოს რეფერალური საავადმყოფოს დირექტორის ხათუნა ჭონიაშვილისგანცხადებით ინტენსიურ განყოფილებაშია ამ დროისათვის მოთავსებული დაშავებულების მდგომარეობა სტაბილურად მძიმეა, თუმცა მათ სიცოცხლეს საფრთხე არ ემუქრება.
„შემოყვანილია ორი მოქალაქე, ერთთან აღინიშნება მუცლის ღრუს ტრავმა, ნეკნების მრავლობითი მოტეხილობა, პაციენტი აყვანილია საოპერაციო განყოფილებაში და ამ ეტაპისთვის მიმდინარეობს ქირურგიული ჩარევა. რაც შეეხება მეორე პაციენტს, დაფიქსირდა ნეკნების მრავლობითი მოტეხილობა და პაციენტი გადაყვანილი იქნება ინტენსიურ განყოფილებაში“- განაცხადა მან
შინაგან საქმეთა სამინისტროს მიერ ამ შემთხვევასთან დაკავშირებით გავრცელებულ განცხადებაში ნათქვამია:
. “მიმდინარე წლის 12 ივლისს, შინაგან საქმეთა სამინისტროს სასაზღვრო პოლიციის ვერტმფრენმა – ბორტის ნომერი GBP– 10020, კახეთში, თელავის რაიონის სოფელ ართანასთან, სასაზღვრო პოსტ ,,ანდარაზართან“ ავარიული დაშვება განახორციელა.
სასაზღვრო პოლიციის ვერტმფრენი, რომელშიც შინაგან საქმეთა სამინისტროს სამი მფრინავი, ერთი მესაზღვრე და ერთი საპატრულო პოლიციის თანამშრომელი იმყოფებოდნენ, ლაგოდეხის სამმართველოს სასაზღვრო ქვედანაყოფებში გეგმური როტაციის მიზნით მიფრინ
ავარიული დაშვების შედეგად ვერტმფრენში მყოფი პირები დაშავდნენ. ამ დროისთვის დაშავებულების თელავის რეფერალურ საავადმყოფოში გადაყვანა მიმდინარეობს.სასაზღვრო პოლიციის ვერტმფრენის ავარიულად დაშვების ფაქტზე გამოძიება შინაგან საქმეთა სამინისტრომ უკვე დაიწყო, შემთხვევას შეისწავლის გენერალური ინსპექციაც“''
ვრცელდება ინფორმაცია, რომ თელავის საავადმყოფოში დაშავებულების მოსანახულებლად შსს მიისტრი გიორგი გახარია მივიდა.