სვანეთში, დღის ბოლოს ხორკალის მთიდან მეწყერის მცირე რაოდენობის ჩამოშლამ მდინარე ნენსკრას ადიდება გამოიწვია.წყლის დონე დაახლოებით ნახევარი მეტრით გაიზარდა, თუმცა მოსახლეობისთვის საფრთხე არ შეუქმნია.
არ შეფერხებულა ჭუბერის ხეობაში მიმდინარე გაწმენდითი სამუშაოები. ადგილზე 50-მდე სამხედრო ტექნიკა და გეოლოგთა ჯგუფი მუშაობს. პარალელურად, მიმდინარეობს რკინის ხიდის კონსტრუქციის აწყობა და სოფელში შემოვლითი გზის გაყვანა.გარე სამყაროს მოწყვეტილი მოსახლეობა გეოლოგებისგან მოსალოდნელი რისკების შეფასებას ითხოვს და მთავრობისგან კვლავ დახმარების მოლოდინშია.„ნაპირსამაგრი სამუშაოები დაწყებულია და მიმდინარეობს ერთდროულად ოც უბანზე. ძალიან რთული უბანია. მდინარის მარჯვენა სანაპიროზე რთულ უბნებზე მოწყობილია ღამის განათება და მთელი ღამის განმავლობაში იმუშავებს ტექნიკა.
დაახლოებით, 50% სამუშაოსი არის შესრულებული და ხვალ თუ არ მორჩა, ზეგ ეს ხიდი იქნება გადებული ისე,რომ მასზე ტექნიკა შეძლებს სიარულს“- განაცხადა ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა.