ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი უარყოფს გავრცელებულის ინფორმაციას, რომლის თანახმად, იგი სამეგრელო-ზემო სვანეთის გუბერნატორად ინიშნება.
იგი ამავე დროს არც უარყოფს და არც ადასტურებს ინფორმაციას, რომ შესაძლოა, მთავრობის ადმინისტრაციის უფროსად დანიშნონ.
მისი განცხადებით,, უახლოეს პერიოდში გამოჩნდება სად გააგრძელებს მუშაობას.
„ამ წუთში არაფერზე არ ვილაპარაკებ, სადაც ვიქნები გამოჩნდება. ყოველი შემთხვევისთვის სადაც ვყოფილვარ, საქართველოს სამსახურში ვიყავი“, – განაცხადა სუბარმა.
როგორც ცნობილია, სამინისტრო, რომელსაც ახლა სოზარ სუბარი ხელმძღვანელობს, მთავრობის სტრუქტურული რეორგანიზაციის შედეგად რამდენიმე უწყებაში ერთიანდება.