გარემოს ეროვნული სააგენტოს გეოლოგები და ჰიდროლოგები, რომლებიც ჭუბერში იმყოფებიან, სტიქიის გამომწვევ რამდენიმე მიზეზზე საუბრობენ.ჭუბერის ხეობაში მდინარე ნენსკას ადიდება, გეოლოგიური და ჰიდრომეტეოროლოგიური პროცესების თანხვედრამ გამოიწვია. „რამდენიმე გეოლოგიური და ჰიდრომეტეოროლოგიური პროცესი დაემთხვა ერთმანეთს. ერთ-ერთი გადამწყვეტი ფაქტორი იყო ნენსკარს მარჯვენა შენაკადის მდინარე ოკრილას დაგუბება. რამდენიმე უბანზე ჩაიხერგა მყარი მასა. შემდგომ ეტაპზე კი ის გაირღვა და წყლის ნაკადი დაგროვილ მასასთან ერთად, კალაპოტიდან გადმოვიდა. ეს ყველაფერი ღვარცოფულ ნაკადში გადაიზარდა . კალაპოტმა ვერ გაატარა ეს დიდი მასა და დასახლებულ პუნქტში გადმოვიდა. გარემოს ეროვნული სააგენტოს ჰიდროლოგებმა გამოიანგარიშეს, რომ ეს იყო წყლის ხარჯის ისტორიული მაქსიმუმი, რაც ყოფილა ნენსკრას ხეობაში. სტიქიასთან არანაირ კავშირში არ არის ჰესების მშენებლობა. სტიქიას ხელი შეუწყო ტყის მასივების უსისტემო ჭრამ. როგორც ამ ხეობაში და სხვაგანაც ამ პროცესს უარყოფითი ზეგავლენა აქვს და ეს სტიქიის მაპროვოცირებელია“- აცხადებენ გეოლოგები
ჭუბერის ხეობაში მდინარე ნენსკას ადიდება, გეოლოგიური და ჰიდრომეტეოროლოგიური პროცესების თანხვედრამ გამოიწვია- გეოლოგების შეფასება
Published on