სოციალურ ქსელში ინერნეტმომხმარებლები აქვეყნებენ ზუგდიდის ბულვარში გადაღებულ ფოტოებს, რომელიც ასახავს , თუ რა პრობლემები მოყვა წვიმას, რომელსაც ასე დიდხანს ველოდით.
,, რეაბილიტაციის შემდეგ პრობლემები უცვლელია!
სახეზეა დამპროექტებლების, დამფინანსებლების, შემფასებლების და ჩამბარებლების ა რ ა კ ო მ პ ე ტ ე ნ ტ უ რ ო ბ ა.'' – წერს ერთერთი ფოტორეპორტაჟის ავტორი.
მივდგეთ და ვიცურაოთ ახლა აქვე ბულვარის ზღვაში – ანაკლიამდე და განმუხურამდე შორია.
რატომ არ იქნა გათვალისწინებული წყალსაწრეტები, ზედაპირის სათანადო დაქანება? არ იყო აუცილებელი ესოდენ უხვი წვიმა, რომ ქალაქის თვითმმართველობასაც შეენიშნა ჩაღრმავებები, რომელიც მანამდეც თვალსაჩინო იყო.
,,ოდიში ნიუსი'' დაუკავშირდა ქალაქის მერიას. უწყებაში განმარტავენ, რომ გაარკვევენ დატბორვასთან რეკონსტრუქციისას დაშვებული ხარვეზების შესაძლო კავშირს და მიიღებენ შესაბამის ზომებს.
ფოტოებს ვაქვეყნებთ ავტორის იაგო ფასანძის თავაზიანი ნებართვით