ცენტრალური ბულვარის ტერიტორია ნაწილობრივ დაიტბორა, მოქალაქეების თქმით, გადაადგილება ფაქტიურად შეუძლებელია წვიმიან ამინდში.რატომ არ იქნა გათვალისწინებული წყალსაწრეტები, ზედაპირის სათანადო დაქანება და რატომ ჩაიბარა მერიამ ხარვეზებით პროექტი? ამ კითხვაზე უწყებაში „ოდიშინიუსს“ განუმარტეს, რომ მოხდება საკითხის ძირეული შესწავლა და პრობლემასაც მოაგვარებენ, გამოიცვლება ფილებიც. მერიის საზოგადოებასთან ურთიერთობის სამსახურში განაცხადეს, რომ კომპანიის მოვალეობაში, რომელმაც ტენდერში გაიმარჯვა. წყაურის მოწყობა და ფილების დაგება არ შედიოდა.
ზუგდიდის ცენტრალური ბულვარის რეკონსტრუქციის სამუშაოები 2017 წლის ბოლოს დაიწყო. სამუშაოები შპს „გრინსერვისმა“ განახორციელა და მისმა ჯამურმა ღირებულებამ 789 970,49 ლარი შეადგინა. პროექტის მიხედვით მოაჯირებიანი ხიდ-გადასასვლელები, სარწყავი სისტემა და წყალსაწრეტი უნდა გაკეთებულიყო, ასევე უნდა მომხდარიყო წყლის არხის დემონტაჟი და ახლით ჩანაცვლება.
ფოტო: იაგო ფასანძე