“საერთაშორისო გამჭვირვალობა-საქართველოს” სამოქალაქო საბჭოს წევრებისა და სამოქალაქო აქტივისტების ინიციატივით ზუგდიდში, კამპანიის “ძალა ევროპაშია” ფარგლებში, აქცია – “რუსული ოკუპაცია და საქართველოს ევროპული არჩევანი” გაიმართა. აქციის ფარგლებში ცენტრალურ გზაზე გამოიფინა რუსული/საბჭოთა ოკუპაციის ამსახველი ფოტო და საარქივო მასალა. აქციის მსვლელობისას თემატურად მოიხატა ქუჩის აღნიშნული მონაკვეთი.  აქციის ორგანიზატორების თქმით, აქციის მიზანია მოქალაქეებს მიაწოდონ ინფორმაცია საქართველოს ევროპული არჩევანის უპირატესობების შესახებ.“აქციის მიზანია კიდევ ერთხელ შევახსენოთ ჩვენს მოსახლეობას, რომ რუსეთი ოკუპანტია და გავაპროესტოთ მისი მხარდამჭერი პოლიტიკა საქართველოში. ამავე დროს, მოქალაქეებს მივაწოდოთ ინფორმაცია საქართველოს ევროპული არჩევანის უპირატეოსბების შესახებ”- აცხადებენ ორგანიზატორები