პრეზიდენტ გიორგი მარგველაშვილის სიძე მინდია გოგოჭური დაჭრეს. ის ამჟამად რესპუბლიკურ საავადმყოფოშია. გოგოჭური ფეხშია დაჭრილი. მას ცეცხლსასროლი იარაღიდან ნასროლი სამი ტყვია აქვს მოხვედრილი. დამნაშავის ვინაობა უცნობია.გოგოჭურის დაჭრის ფაქტს შსს-ში ადასტურებენ. უწყების ცნობით, გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს და 3-დან 6 წლამდე პატიმრობას ითვალისწინებს.
მინდია გოგოჭური მაშო ჩიჩუას მეუღლეა. ის 2017 წლის იანვარში ასევე ფეხის არეში დაჭრეს. მაშინ ინციდენტი თბილისში, ბალანჩივაძის ქუჩაზე მოხდა.