ზუგდიდში მდებარე მე-4 საბავშვო ბაღის შენობა რეკონსტრუქციას არ ექვემდებარება არამყარი საფუძვლის გამო და ბავსვებს მერია ახალ ტერიტორიაზე განოყოფილ ფართში განათავსებს. ამის შესახებ მერიის ინფრასტრუქურული პროექტების მართვის სამსახურის უფროსმა რუსლან კილასონიამ შეხვედრაზე განაცხადა.მისი თქმით, „ბავშვები განთავსდებიან მ. კოსტავას ქუჩის ბოლოში მდებარე შენობაში, რომელსაც რეკონსტრუქცია ჩაუტარდება“. კითხვაზე გასხვისდება თუ არა ტერიტორია და რა დანიშნულება ექნება მას, მერიის სამსახურებმა არ იციან, თუმცა რუსლან კილასონიას თქმით, ამაზე უწყებაში უკვე მუშაობენ. მეოთხე ბაღში რეკონსტრუქციის სამუშაოები 2017 წელს დაიწყო და მალევე შეჩერდა, შეჩერების მიზეზად არამყარი საძირკველი დასახელდა. ბაღის რეკონსტრუქციის პროექტის ღირებულება 620 ათას 165 ლარს შეადგენდა. თანხის 55%, რაც 341 091 ლარია, ადგილობრივმა ხელისუფლებამ გამოყო, დანარჩენი კი რეგიონული განვითარების ფონდიდან გამოიყო.